Kua whakaritea te Pae Matawai Parawhenua e te Kaunihera ā-Rohe o Te Matau a Māui (HBRC) hei whakatewhatewha i ngā āhuatanga me ngā tino take i waipuke ai te rohe o Te Matau a Māui i a Huripari Gabrielle.

He mea tū motuhake, tōkeke hoki te Arotake. E tirohia ana ngā kaupapa me ngā hōtaka whakahaere parawhenua a Te Kaunihera ā-Rohe o Te Matau-a-Māui i Wairoa ki Pōrangahau, me te pai rānei o ia kaupapa, waihoki ki ngā whakatau a te Kaunihera i te wā o te huripari. Ka tirohia, ā, ka whakataungia hoki e te Arotake he kōwhiringa e kaha ake ai tā te rohe manahau waipuke mō te wā roa.

Tōna tikanga ka tutuki te Matawai i mua i te paunga o Hune 2024.

Ka taea ngā Tūtohu Mahi mō te Arotake te tirotiro here.

Tokotoru ngā tāngata kua tohua he mātanga whakahaere rawa, mātauranga pūkahatanga me te ture, e mahi ana i te Arotake nei. Ko Tākuta Phil Mitchell (Heamana), rātou ko Bernadette Arapere ko Kyle Christensen. More details here.

Ka tāpaetia ki te Kaunihera te pūrongo o ngā kitenga me ngā tūtohutanga o te Matawai i mua i te paunga o Hune 2024.

Kāore te Arotake e tirotiro i ngā tūmahi me ngā haepapa a ngā kaunihera ā-rohe, ā-tāone hoki i te wā o Huripari Gabrielle, ngā urupare whakahaere whawhati tata i ngā haukāinga, te mahi whakahokinga mai o te waipuke rānei. Ka taea e koe ngā kōrero mō te Arotake o Civil Defence here.

I whakahoungia tēnei whārangi i te 12 o Āperira 2024 kia whakaatuhia ai ngā urupare ki ngā pātai a Te Kaunihera ā-Rohe o Te Matau-a-Māui kua pātaihia e te Pae Matawai, i muri i tā rātau matawai i ngā pārongo a te Kaunihera, a te hapori me te mana whenua.